400 milionë shkarkime të shfletuesit Firefox

Shfletuesi më i popullarizuar alternativ i internetit, Firefox, ka përjetuar edhe një kthesë të madhe. Mbi 400 milionë shfrytëzues e kanë shkarkuar atë në kompjuterët e tyre personal.

Siç po qëndrojnë gjërat tash, bëhet pothuajse e pakuptimtë që Firefox të quhet shfrytëzues alternativ i internetit, sepse ngadalë por sigurt, ai po ngjitet drejt majës.

Sipas të dhënave të kompanisë XiTi Monitor, Firefox sipas numrit të shfrytëzuesve ka tejkaluar shfletuesin e Microsoftit Internet Explorer, mirëpo vetëm për Evropë, (23.1 për qind shfrytëzues të Firefox dhe 22.6 për qind shfrytëzues të Internet Explorer). Sa u përket vendeve evropiane, ata që përdorin më së shumti Firefoxin janë sllovenët, ku 39.6 për qind e popullatës e shfrytëzojnë këtë shfletues interneti.

Qëkur është paraqitur më 9 nëntor 2004, Firefox deri më sot ka arritur të shkarkohet nga mbi 400 milionë shfrytëzues.

www.firefox.com