Lajme nga muzika Boterore.

Reperi amerikan Snoop Dogg është dënuar me 3 vjet burg me kusht dhe 160 orë punë vullnetare, shkaku i armëmbajtjes pa leje. Ai është kapur në aeroportin “John Wayne” në Orange, kur në një çantë të tij është gjetur një shkop i gjatë 50 cm dhe të cilin policia e shfrytëzon për vetëmbrojtje.
Organet e rendit kanë deklaruar se ai ka pasur me vete një armë të rrezikshme, përderisa Doog ka deklaruar se ajo është vetëm një rekuizitë për xhirim të një spoti.

Victoria Beckham ka mundësi t’i bashkëngjitet grupit “Pussycat Dolls” në turneun e tyre para publikut amerikan. Koncerti është paraparë të mbahet në pjesën e fundit të vitit. Anëtarja e “Spice Girls”, është adhuruese e vajzave të grupit “PussyCat Dolls”.
Sipas burimeve të “Daily Express”, ky grup është entuziazmuar nga ardhja e Victorias në LA dhe kanë shfaqur haptas simpatinë për të. Të gjitha janë adhuruese të “Spice Girls” dhe mezi s’presin të jenë së bashku në skenë.Yje të tjera që kanë dalë në skenë me “Pussycat Dolls” janë: Carmen Electra, Britney Spears dhe Christina Aguilera.

Jennifer Lopez thotë se i kupton pyetjet e medias rreth jetës së saj personale, duke spekulluar se ylli i muzikës është shtatëzënë.
Por këngëtarja e cila po reklamon në Londër albumin e saj të fundit Brave rezervoi të drejtën për të mos u përgjigjur. Albumi i ri i cili ka marrë dy vjet kohë për t’u realizuar ka si këngë të parë atë me titull Do It Well dhe shoqërohet nga një vidio realizuar nga David LaChappelle.
Titulli i albumit është Brave dhe këngëtarja thotë se përshkruan ndjenjat e saj në këtë fazë të jetës. Lopez dhe bashkëshorti i saj Anthony do të fillojnë një turne këtë vjeshtë dhe do tu japin admiruesve të tyre kënaqësinë e një koleksioni të vjetër dhe të ri të këngëve në Spanjisht dhe Anglisht.