Samsung dhe Bang & Olufsen paralajmërojnë celularin e pë

Prodhuesi i njohur i telefonave celularë nga Koreja dhe kompania e famshme suedeze për produkte të dizajnuara mirë dhe atraktive, kanë bashkuar forcat e tyre për të prodhuar një telefon celular.

Bang & Olufsen pas telefonave shtëpiak, ka filluar të zhvendoset ngadalë në atë të celularëve, e për partner ka zgjedhur Samsungun.

Telefoni është paramenduar si një player i muzikës dhe telefon celular, në një pajisje, andaj edhe është emëruar Serenata. E veçantë e tij, pos dizajnit, është edhe zmadhuesi mjaft i fuqishëm, për të cilën nuk do të nevojiten dëgjuese gjatë dëgjimit të muzikës.

Zgjidhja nuk është edhe krejt praktike për të dëgjuar muzikë në transportin publik, apo gjatë ecjes, mirëpo ai që blen Bang & Olufsen nuk përdorë transportin publik, e dorën në zemër edhe nuk ecën aq shumë.

Detaji i madh në formë rrethi që shihet në foto shërben si kontrollues për riprodhimin e muzikës, diç ngjashëm me kontrolluesin në iPod.

Kapaciteti i memories së telefonit është 4 GB, që do të duhej të mjaftonte për nevojat e komunikimit dhe muzikës. Çmimi ende nuk është bërë publik, por duke marrë parasysh që bëhet fjalë për produktin e Bang & Olufsen, sigurisht se, nuk do të jetë aspak i lirë.