Studentja 90 vjeqare

Studentja 90 vjeqare

--------------------------------------------------------------------------------

Kur 90-vjeçarja Nola Ochs nga Kanzasi do të diplomojë muajin e
ardhshëm, do të jetë studentja më e vjetër në botë e cila ka përfunduar
fakultetin. Sipas të dhënave të librit të rekordeve "Guinness", Nola do të
thyejë rekordin të cilin para saj e mbante Mozella Richardson. Në
vitin 2004, Mozella diplomoi në moshën 90-vjeçare për gazetari në
universitetin Oklahoma. Nola nuk ka pasur ndërmend ta thyejë rekordin.
Ajo pas vdekjes së bashkëshortit të saj Vernonit më 1972, ishte
regjistruar në kolegj. Pas tri vjetësh të kaluara në kolegj, kishte diplomuar. Vjeshtën e kaluar, Nola vazhdoi të
studiojë në Fort Hays State University, ku pritet të diplomojë në fund të majit. Mbesa e saj 20-vjeçare
do të diplomojë të njëjtën ditë së bashku me gjyshen. "Sa moshatarë të mi kanë rastin të studiojnë së
bashku me gjyshen? Ajo vërtet është 'cool' dhe studentët tjerë e pëlqejnë", tha Alexandra, mbesa e
Nolas. "Të gjithë më kanë pranuar dhe ndihem si pjesë e studentëve. Më respektojnë. Vitet nuk më
ndalojnë. Gjithçka është mirë derisa jam e shëndetshme", tha Nola. Todd Lehay, shefi i Departamentit
të historisë, në të cilin Nola studion, ka qenë i shqetësuar nëse Nola do të mund të diplomonte. Por, në
dy semestrat e parë, dyshimet e profesorëve janë zhdukur. "Nola sjell dinamikë në ligjëratat e mia", tha
Lehay. Nola ka tre djem, 13 nipa dhe 15 stërnipa.