Mendafsh per Ty dhe per Mua

Mendafsh per Ty dhe per Mua

--------------------------------------------------------------------------------

Mendafsh per Ty dhe per Mua

--------------------------------------------------------------------------------


Mbi të gjitha sensuale, elegante, për të përjetuar kënaqësinë
e freskisë dhe prekjes të butë. Jo vetëm për vete… edhe për atë që të rri pranë!!!
Nga atelie "At'Nikolla" vjen vetëm një mesazh: shijojini mbrëmjet e verës nën butësinë e mëndafshit






Linja të përvijuara, feminilitet, klas dhe fisnikëri. Kaq mjafton për të qenë në lartësinë e duhur, që të bën ta shijosh më mirë një mbrëmje të nxehtë. At' Nikolla është mbështetur në mëndafsh dhe sugjeron që të shijoni prekjen e copave më të çmuara. Sepse përveçse ndjehesh princeshë, i fal trupit edhe ndjesinë e këndshme që të jep butësia e copave të mëndafshta. Por, nuk u jemi larguar tendencave të stinës së bukur. Ngjyra të ngrohta vere dhe tone të të gjitha llojeve. Përqafohuni më mëndafshin, por
mos devijoni nga ngjyrat kryesore: jeshile, e kuqe, e verdhë… të gjitha mund të qëndrojnë vetëm ose të përzihen me njëra tjetrën për të qenë më të nxehta
dhe për të krijuar ca tone të përziera . Sepse vetëm kështu mund të jesh në majat e elegancës.









Sa për dizenjon, janë në lojë lulet, ujërat dhe copat njëngjyrëshe. Të kombinuara me ndonjë aksesor të vogël, sa për të qenë në korrent me një mbrëmje që
i do të gjitha: edhe finesën, edhe pak çmenduri. Mos u kufizoni në gjatësi. E, nëse e bëni, kujdes me jakën. Gjithçka e hapur. Dekolte dhe jaka të hapura që vazhdojnë deri në fund të kurrizit. Jaka të derdhura që s'mund të jenë veçse sensuale, joshëse dhe provokuese. E nëse një dekolte vjen shumë e fortë, mos ngurroni të përdorni mëngët, që mund të vijnë duke u ngushtuar tek kyçi i dorës, ose edhe tek pjesa e bërrylit. Kjo është moda e mbrëmjes këtë verë, që për të ardhur në këtë formë, kërkon jo pak kujdes. Mëndafshi është nazeli! Për të rrëmbyer prej tij një model të bukur, duhet ta marrësh pak me të mirë. Duhet të dish t'ia rrëmbesh mrekullinë. Dhe po arrite, je thjesht perfekte.





Gjithçka elegante. Mëndafsh dhe taka të larta, gurë të shndritshëm dhe rripa të hollë. Sepse mbrëmja i kërkon të gjitha: edhe shkëlqimin, edhe pak doza shik, edhe gjatësinë deri në fund të këmbëve, por edhe dekoltenë e ekzagjeruar dhe fustanin e
shkurtër. Të gjitha pa iu larguar tendencave të modës, ngjyrave të forta dhe prerjeve joshëse, që mund të të dhurojnë një trup për t'u admiruar.



Ç'mund të kërkosh më shumë nga mëndafshi?